19/11/2022 TKS 2 vs 電訊聯盟業餘隊 930 Lose 3:5 賽後報告 ( 硬野 )
對賽往績
19/11/2022 TKS 2 Lose 3:5 - 4 / 14 / helper ( 14x2 / Sunny )
賽後報告 - Wing
未步入球場已見對手人馬叠叠，廿鳩幾人用哂成個場分批熱身，唔知真係以為電訊行業好撚兜踎，可以成村人出哂黎踢波。
反觀二打六都仲係一路熱身一路FF緊思浩一打十，F到地都濕埋，就係咁up住個春袋開波，Gogogo!
入局慢可以話成為今場致命傷;
9分鐘: 對手禁區外鳩傳一輪，一腳冷箭施射。0:1
今場中場由C ho & 4哥作為核心組合，但無左跑狗偉 ‘走馬射金錢’式既掃蕩，第一節比對手高大中場輾壓，難以組織攻勢
12分鐘: 對手攻入右路禁區，離門3碼射近柱，費卓伸盡43吋長腿亦未能阻止比數變成0:2
15分鐘: 角球攻勢被直接頂入。0:3
後防一次大腳解圍，球王Dee高空控定，見對方龍門出迎，離門30碼起腳，慢流但可惜入唔到袋。
二打六呢頭止唔到血，果頭就比對方一個直線劏穿形成單刀，迪基皮副領已經縮埋一邊welcome to shoot，對方眼見副領咁唔敬業，離門4碼單刀都要黎個拉弓怒射。0:4
完第一節前，sunny右路爆破尋底，球王中路接應，夾住係keeper & 後衛既中間冒住成為三文治芝士將個波再橫傳去左路底線既C ho，空龍射成 1:4。
第二節，對方人海車輪戰，接近換哂成隊，神清氣爽，諗住繼續巢鳩us，但warm up好既二打六並唔係你想像中咁豆腐渣ga😤
4哥眼見今日C ho稍為留力，主動插入對方禁區🫀位置同球王做配合，球王鳩撩一腳，四哥心口控定，射穿大細龍。2:4
對方眼見未能擴大比數，竟然出口術使橫手，一邊換人嗌哂’hold’但繼續攻，二打六眾將企定定都未知咩事就被入了，但退庭商議決定 VAR唔計。
狗閪陰濕招激起大家鬥志，sunny以平時1.2倍既光速腳再係右路發爛傳中，球王不作修正即時熨射成功，流入遠柱，追到只差一球既3:4!
對方見氣勢此消彼長，要求完埋第二節。
眼見第三節仲有20分鐘踢下，觀眾席賭徒傾緊會唔會開到反cup既時候，龍門莫叫 & C ho 禁區傳球失誤，被拉開3:5，回天乏術。
對方整體有波底，硬淨，唔茅，屬有挑戰性形對手，但不適合於開年用😆
雖然面對人海戰術上，二打六體能上未見輸蝕，不過再對呢隊需要集結自家選手肯跑肯衝方為上策。
** 19/11/2022 attn : 9 / 18 / 20 / 14 / 5 / 7 / 4 / 25 / 17 / Sunny / helper x 3
[ 本帖最後由 no.14 於 30-11-2022 03:18 PM 編輯 ]
