今年COMICWORLD繼續在九龍灣展貿舉行兩天,由於星期六小弟要工作,只能來星期日的同人誌販賣會.今年的節目及同人檔口數量睇落都唔係差太多,不過有樣野讚就是今天一早已開放室內給排隊的人,小弟9:10到,可以很舒適地坐在地下等入場,而且人流頗順暢,又唔駛曬,幾好架.



下次要到10年2月21日,真係話咁快又到.


睇落場內唔係真係太旺,眼見在下午三時到仍然有好多本子都有得賣,故此都唔駛搶住排隊買,可能係經濟原因大家唔買太多的同人本啦.


雖然唔覺有人咁大的枕頭賣,但Q版私都好得意架.


當然台上表演唔少得,今日要特別讚其中一隊各MICHAEL JACKSON致敬的COSPLAYER DANCER,跳得非常出色,各位都跳得極度合拍,在場的人士都無人唔拍哂手!


當然其他的DANCER亦跳得不俗啦.



仲有<ACRUBBISH RADIO>講GAG SHOW,雖然見唔到我的好友漫遊者,但兩位亦同樣花了大量心思講.


當然仲有BAND SHOW,極震撼,又諗起以往其他同學夾BAND之時.


仲有無伴奏組合NOVA,特別喜歡佢地唱涼宮春日之憂鬱的ENDING曲,冇任何樂器都咁傳神


當然場內都係會見到呢位大哥之COSPLAY...............


雖然話好似今次D銷情好像唔似以往咁旺,但其實本子之質量一點都唔覺有低落,反面各得好多都好有特色.小弟今日都駛左約$600買精品加同人本,期望係下季馬季贏番.

一於講講部份買回家的本子及精品吧.
1.MIRUKO HOUSE的輕音+涼宮SET,個袋真係可以拿出街用都覺得耐用.當然彩色本子畫得非常CUTE,有埋個FILE夾都係$80




2.風林火山的本子早前在動漫節買了,今次買精品吧.其團體之CUTE畫功譽滿多年,年年都多人買,把扇我媽媽已經拿走了用.


3.黑蛛白蛛的本子都係一早買了,都係買FILE夾啦,最喜歡用這些FILE夾夾文件.REINA的畫功,特別係眼神捕捉得非常入神,相信在同人界中都可以講係到達人級.


4.萌系畫功同樣中數一數二之團,同以往比較用色方面更上一層樓


5.此本子確有意外進步,相比舊的一本,新的(右)畫得有跳級進步,值得一提


6.左兩本係同人團體SHURA的彩色本,表情方面看到心機,畫功亦見更細膩,期待下年的新刊.右面的一本係華組的彩圖本,幾多油畫成份,,主力為輕音,風格大不同.


7.右上角的是SASA CHAN &SIXLAND的彩色畫冊,以日本動漫角色加入本地校服元素,非常有諗頭,再加上畫得頗有風格,可說特別.左上角的REI本子無論Q版又好正式又好都一定細膩非常,接近例買之選.今次仲有COUPON送,本來仲想去去呢間動漫主題餐廳,點知.......一打開,原來在台灣,想用都用唔到啦.




今年的CW其實相當唔錯,希望明年經濟好轉一點會多些年青朋友去支持一下各地同人之產品.

It seems that there are many people !!

引用:

原帖由 goalkeeper 於 24-8-2009 01:11 AM 發表
It seems that there are many people !!

係架