打印

(河馬仔專欄)旺角咖啡廳評論

河馬仔

銀牌會員

Rank: 5

威望: 1106
閱讀權限: 50
註冊時間: 23-9-2008
最後登錄: 13-10-2010

當前離線

1^# 大中小發表於 19-8-2009 09:24 PM 只看該作者

(河馬仔專欄)旺角咖啡廳評論

上星期初身染感冒已經病到現在了,大量失去胃口,故此上星期開了天窗,各位請見諒,不過今個星期開始退了燒,真的可以開始回復寫食評之工作,在此一定要多謝父母無微不至之照顧.

每次到旺角買FIGURE買漫畫買生活必需品時,當然大熱天時都會找地方歇下腳,入到朗豪坊,有時間的話都會來這間Main St. Cafe坐一坐...........

香港其實有唔少連鎖咖啡廳,此店亦不例外,在網上找原來灣仔佐敦都有,今次講的是旺角那一間.當然西式咖啡廳一定有CAKE有咖啡飲,今次一於講講小弟其中三次去這裡食之食物.

這個是我的午餐啦,左邊的是LOW FAT CHEESE CAKE,食落軟綿綿,話LOWFAT係有點味淡但唔令我失望,食落質地有點似豆腐蛋糕,反而我會受落點.中間的一杯是凍CAPPUCINO,已要了少糖,配淡味蛋榚確係有相輔相成之效.唔好唔記得右面的出品---咖央多,這種馬來食品都有得食,即時諗番以前去考察新加坡之時,今回多士夠厚,配甜甜的醬就啱哂.

當然如果覺得頭先個餐太過HEAVY的話,一杯熱MOCHA加過SAUSAGE ROLL做下午茶都是一個幾好的選擇.SAUSAGE ROLL個酥皮做得夠香唔燶,條腸雖然未去到霹靂大肉腸咁大但都算夠我食,配一杯朱古力味頗濃之熱MOCHA,悠閒地休息一會都算不俗.

當然如果唔喜歡食咁多腸的朋友,我發現了有魚的包,這個BAKED FISH SANDWHICHCOMBO有兩塊唔薄的魚柳加上芝士及唔少的蔬菜,味道一點都唔濃但魚柳及蔬菜一配合後便比坊間之"魚柳包"清爽得多,小弟最喜歡就是這個包之醬唔太多,清清爽爽食個包咪幾好.
再加上一杯CARAMEL MACCHIATO,即焦糖+特濃咖啡+少少熱鮮奶,香甜皆有,想甜甜地提下神此杯可一試.

香港的咖啡廳太多啦,期待未來再能寫一些本港有特色之咖啡廳.