賽後報告 : 奇蹟的逆轉, 神奇5分鍾
二打錄繼上星期三作客跑馬地憑將士用命以1:0小勝強隊，
今天，更打出近期的代表作！！
開賽無耐，二打六憑著幾次攻勢取得威脅性埋門，
但前鋒一一未能把握，對方藉一次角球機會，
於遠處無人看管底下先開紀錄，
及後二打六肥佬憑角球追成平手！
到球賽中後，對方再藉兩次機會打比數擴大為3:1
但二打六就係呢個時候打出激情！
係最後五分鐘，用上全場緊迫既快速踢法，
令對方連死球都開唔到、並且陣腳大亂！
先有四仔臥地鏟射掛網，追成接近的2:3！
當時，各球員雙眼冒火！
接著，羅渣於禁區頂勁射死角，追成平手；
最後，再由文少窄位左腳燙內柱，反勝4:3！
球員罕有地入球時會有興奮表情。
而表弟亦踢出加盟球隊以來的代表作，
雖然佢出出入入，但每次入場都忘命奔跑，
實在令人欣慰！
總結，對方雖然比二打六平均年齡輕十年，
但最後竟被二打六於尾段以力量壓制。
令天再打出二打六精神──
永不放棄......進攻，進攻，再進攻！為二打六喝采....好波
fat lo x 1 (assi : forget)
4 eye x 1 (assi : andy)
rodger x 1 (assi : forget)
man shiu x 1 (assi : forget)
attend : rodger, jimmy, 4 eye, fat wong, fat lo, shiu hung, man shiu, wai, gary, country ming, andy, bill brother, ah wing
