[quote]原帖由 贏馬人 於 30-5-2008 05:45 PM 發表
四場  活力驍 降班後第一次熱門例輸。今次應該有錢分了。8倍左右最適合。上次當無跑過。論馬在五班一定超級的。七場 成功網絡 上次初

「活力驍」, 評分有D著數, 但路程就非正宗, 毅力指數雖然都係正數, 但未必代表贏得, 位置較佳!

「成功網絡」, 父母系都屬短途馬, 跑第二果場只靠慢步速偷到雞, 今場排14檔兼太多對手!

「大發雄威」, 評分唔算有大利, 上季贏馬為77分, 前一場在直路俾「貝利高」壓一一壓以致大力勒避, 激到藝術家追住「貝利高」o黎撞! 呢條友仔真攪笑! 但再睇番第520場次, 78分沿途一步不蝕跑第三, 但可以話該場「首飾奇寶」太勁姐! 但跑第二o既「至上」比佢排位差好多, 比佢跟得更後好多, 之後跑兩場都完全唔掂! 就知呢個第三唔算好叻! 都係位置比較穩陣!

「快活莊主」, 呢匹正衰馬, 來港跑o左23場, 只有一次突然神勇爆99倍大冷贏馬, 其餘全不入位! 若上次贏馬後每次追佢一百蚊, 到宜家真係要嘔突喇!

「好芝味」及「零距離」確唔錯! 但應該會係熱Q, 你會唔會買? 最好就只買其一!



[ 本帖最後由 毅力 於 31-5-2008 07:48 PM 編輯 ]

引用:

原帖由 贏馬人 於 31-5-2008 06:19 PM 發表
成功網絡跑1400以下路程就一定無運行啦，增程1600步速會慢一些有機會偷雞一次。像瀟灑叻龍一樣部署。降班增程偷雞。明知跑首本路程無運行。因段速太差入位。只要靠增程來減慢步速。

千六就一定得o既咩? 佢o係外地贏三場都係1200米樓下! 老竇, 一生七捷於1200米, 老母, 一生六捷於1200米以下, 父母兩代都係正宗短途馬來的!

引用:

原帖由 贏馬人 於 1-6-2008 02:59 AM 發表
星河舞士季初1600負124磅跑第四名。如今 降入五班也只負123磅.相對來講評分大利，只要狀態操起必可贏馬，上次突然走勢接近。只負四個馬位。狀態估計已操起突然換杜利來必拼個明白。今次排13檔非常不利。一定要有 ...

唔好意思! 「星河舞士」今次的毅力指數只有(-24), 上場泥地慢步速跟守第二位, 埋門腳軟, 無o乜有利數據可以支持買佢!

引用:

原帖由 贏馬人 於 1-6-2008 09:00 AM 發表
季初只輸給風雲遊子等超級馬一個馬位，居三班掂會唔超級啊。只不過狀態沒操起。上次已有好走勢只輸三個馬位。試淮出擊。

車! 呢場係慢步速賽事, 最後二百有成十隻馬的距離不足三馬位; 終點前都有成六七隻不足三馬位的! 此等賽事不足為據! 除非佢係好後咁高上o黎啦! 衰馬只得果18倍, 唔抵買!

引用:

原帖由 贏馬人 於 1-6-2008 11:52 AM 發表
好似你咁計數法，邊有冷門馬啊。評分有利的馬唔可以正常計步速方法啦。

買冷門都要買d有價值的, 而且該場亦要d熱門馬有瑕疵或疑點先值得搏的, 否則就想搏冷而得個吉!