28/03/2026 HV vs 米蘭 win 5:1 賽後報告
3月28日 HV vs 5:1 星期六 晴 - Fat Wong
今晚適逢費占停賽，仲要作客跑馬地踢8人，以為會硬仗一場，點知…
遲左開電視/遲左入場既球迷，頭15分鐘既賽事，我只可以同你地講你地錯過了神蹟，唔只1次，唔只2次，係3次。
短短15分鐘, 第一個奇蹟係阿簡無論係3角短傳定後踭傳送，100%傳送率連續成功交到俾入攝既阿志幾次。
就係咁，阿志把握到其中一球阿簡後踭，長驅直進單刀射遠柱，眼見個波已經射過埋龍門，此時第2個奇蹟就出現。
大家眼見已射過對方門將，遠柱仲有Sunny伏兵門前，就算碌唔入都有佢包底，但Sunny竟然可以做到連球王Dee都做唔到既神蹟，唔入難過入既零碼炒機，大家都懷疑佢唔掂都會入既情況下，門前解圍。
買左阿志首名入球既球迷，只能說「賭波真係如倒錢落海」。
如上文，簡中路突破又成功直線傳到俾阿志，志入攝半單刀橫傳，今次傳俾阿4射空門，輕鬆1:0。
眼見攻勢一浪接一浪，為免出現「咩話40:0」既賽果，好難同領隊交代，發哥好果斷換入仁慈射手球王Dee。
點知第3個神蹟就喺踢到20分鐘左右出現，Andy竟然入場第一腳就接應阿胡橫傳，第一時間撞射，仲要射得中龍，仲要入埋。在場眾人睇到阿Dee 竟然可以一射一中哩個奇蹟都表示驚訝，不敢相信哩個尤如伊斯坦堡之夜既大奇蹟夜。
跟住既戰局由於劇本一樣，ths憑着平均質素較高，完完全全控制戰局。雖然有一段對方換入左d後生少少既，有隻西咸翼偶有1-2下爆破突擊，但始終ths技高一籌，未能威脅到Kenneth。
再認真上路既THS藉着一次角球攻勢由阿胡開出角球，Sony銅頭一搖遠柱頂成3:0。殺得性起既Sony唔知係咪買左好多，頻頻疊瓦式助攻，最終得償所願梅開二度，右邊K角位射破對方門將，射成4:0。
留意返賽後領隊評論哩場波時，佢係話Andy「都」入2球而唔係話Sony都入2球，所以對手唔算太強。Sony 入2球機率> Andy = 大家唔好錯重點。
當大家眼看又係一場大炒客其他既賽事，又名「馬會」最佳拍檔既二打六，先後換入Andy控制前場入球率，再派出副領喺後場盡量失球。
果然2大控制賽果員不負所托，一出場例不虛發。Andy喺前場做返基本野，好唔情願下射入多球，但佢已經盡量唔射+盡量miss。
當然後場都有拍檔副領透明防守，盡量遮住Kenneth視線，對方射個一下又可以射得穿，令對方可以做到全場一射一中破到蛋。
不枉球王Dee同副領跟隨費占多年，就算領隊不在，佢2個都會將佢既訓話銘記於心：而家出面好難搵對手，你炒到人地無癮，就唔會有下次。贏唔可以贏太多，組織多d搓多2腳；唔可以大炒之餘仲要最好俾人有得踢下攻下；如果破到蛋都可以，等佢地覺得下次下次，下次大概可以。
就係有2個控制賽果員，結果贏又贏唔係太多球，但全場主隊無乜攻門下，又射得入一球破到蛋wor，脆脆地收下一場5:1既勝仗，應該仲有下次既。完完完
** Goal & Ass : 4 / 14 x 2 / 28 x 2 ( 16 x 2 / Helper x 2 / Khan )
** Attn : 17 / 14 / 簡 / 3 / Kenneth / 4 / 21 / 28 / 6 / 7 / 16 / helper x 1
[ 本帖最後由 no.14 於 3-4-2026 03:56 PM 編輯 ]
