24/04/2021 TKS 2 vs 維聯 930 Lose 0:5 賽後報告 ( 硬野 )
對賽往績
24/04/2021 TKS 2 Lose 0:5
07/11/2020 TKS 2 win 3:2 - 32x2 / 15 ( 14 / 9 / 32 )
24/04/201 賽後報告 - Rick
賽前費格占已經出咗緊急領話今場係一場硬仗，奈何係封關嘅情況之下，連私人飛機都唔俾肥佬由英超飛番黎坐助，何貴都話今次唔駛問阿貴啦黎唔到。係中門大開嘅情況之下，助攻王費格占只能棄足用手把守THS最後一關，但呢個調動大大影響THS嘅進攻能力，喺賽前宣佈出場陣容時，THS入球細立即因為咁熱到1賠負100.......
另外封關問題又導致飛機Bun都上唔到飛機，THS喺疫情可用8 個後備情況之下，竟然只有4個(仲有兩遲到)，正選有4個負傷上陣。相反對手後備席坐到唔夠位... 未開波都心知不妙.....
好比賽開始，死啦中場核心未到，費格占頭15分鐘不斷提場 「4仔到未，4仔得末」，一眾戰將唯有盡頂，係對手未站穩陣腳之下有連番機會先開紀錄，先有港腳思浩交俾Collie 撞柱彈出，又有Rick幾次左扭右扭起腳俾龍門救出，亦有球王Dee一如既往嘅炒射差D唔入，仲有猛虎Marcus嘅攻門。THS最拿手嘅五星戰隊快攻喺一眾進攻球員’浪射’嘅情況之下未能見功。費格占忍唔住俾記者影到佢口型話 “前鋒浪費一萬個機會 😖😖😖”
終於費格占千呼萬喚嘅4仔終於出場，另外亦將助攻王(自己)調上戰陣，換入飛的過嚟嘅De Gea守龍. 呢個調動立即令對手大亂，一入嚟助攻王就用助攻左一萬次以上嘅急勁曲墜傳中交俾Rick頭槌攻門，可惜Rick又失諸交肶，浪費左個機會。發仔亦作出一次好美妙嘅中央突破，由後場開始連過數關引哂D人過嚟後交出致命直線，但又一次俾5星戰隊浪費哂。Chi Wai 同 4仔喺缺乏掩護嘅情況之下俾舞黎舞去，Wing仔同阿Chun同Hei同樣俾攪到走上走落，走左走右。
之後港腳思浩傷出，喺久攻不下嘅情況之下，一衆THS戰將開始跌Watt......但相反對手此一時彼一時越踢越有，雖然De Gea 都有一兩次精彩嘅撲救，但入下一球入下一球嘅情況之下... THS 迎來一場十年難得一見嘅大敗。
完場後突然見到熟悉嘅面孔，eeee 完教授到場調查。完教授話根據現場情況發現左疫苗效應。原來一眾THS戰將都打左第一針。根據科學數據，打完第一針之後踢波嘅副作用包括拉傷，無力，眼瞓，手痛，腳痛，進攻防守未能集中，傳失波，射唔入...
完教授亦解釋點解對手無事仲越踢越有，完來對手歲數未到唔可以打針!!!
完教授宣佈今場唔計!!!!!!! 要喺THS一眾戰將打完兩針 再加14日之後 擇日重賽!!!!!!!!!
明哂！原來THS今日唔係輸比對手，係輸俾肺痰疫苗!!!!!!
講真，對手都唔錯，係難得嘅強強對戰，戰果並不反映現實，下次有龍唔地庄有態再覆桌，會喺一場勢均力敵嘅比賽.
** 24/04/2021 attn : 4 / 5 / 7 / 9 / 11 / 14 / 15 / 16 / 17 / 21 / 25 / 32 / helper
[ 本帖最後由 no.14 於 2-6-2021 02:53 PM 編輯 ]
