31/12/2022 TKS 1 vs 雋聯 430 win 6:5 賽後報告 ( 硬野 )
對賽往績
31/12/2022 TKS 1 430 win 6:5 - 15x2 / 22 / 14 / helper ( 22 / helper x 3 )
21/12/2019 TKS 2 800 win 7:2 - 18x3 / 23 / 32x3 ( 22x2 / 11x3 / 36 )
** 31/12/2022 attn : 22 / 9 / 25 / 3 / 16 / 14 / 17 / 4 / 5 / 18 / 15 / 21 / 7 / Helper x 3
31/12/2022 賽後報告 - Fat Wong
賽前憑對賽往績,還有一向小編對費占既認知, 通常年尾收爐會安排一場快樂足球,等大家好頭好尾過新年~以為將會係一場強弱懸殊既賽事~點知一去到望一望對面個陣容,似曾相識又係個幾個國內同胞又有幾個好後生既年青人,心知不妙~
對面一開始扮唔夠人,居然主動叫我地借出皇牌殺手羅渣去幫手,小編睇住佢地後備席有人換都仲扮晒野話唔夠,夾硬要我地借出皇牌殺手~哩個舉動就係哩場波既轉捩點~一開波二打六襯對面未齊人,又搵左條契弟打龍,好快THS藉著阿鏗一個突擊輕鬆取得1:0傾先優勢~
但轉個頭皇牌殺手羅渣倒戈之下連入2球,仲要夠膽死話”對面交得靚JEI”~方丈即時回收佢歸隊並打入冷宮坐後備兼去買水~正所謂衰開有條路,輾轉間由領先1:0,無端端俾對面3條國內同胞5號+17號+23號轟炸,半場THS落後1:3.
去到中段二打六繼續苦戰, 一路守一路等反擊既機會, 結果等到對手年青人扭傷無晒人換; 對面叫晒救命,哀求我地再借皇牌射手羅渣, 吸取教訓+收足錢既羅渣為左繼續留效THS, 又唔想再被雪藏, 即時收油拒絕再入球~
就係因為咁THS可以重新上路,開始打出節奏連番得手由雙鏗+泰+外援ERIC入球反超5:3.眼見對面大勢已去,THS換入迪基亞穩定軍心~換入迪基亞之後戰術果然立竿見影, 不出5分鐘,先被對面近門近柱射入追成4:5; 得勢不饒人, 對面17號同胞一人之力一個推3個,黑帝+費占用到雙人攔截,條17號小志強一般無視任何人照樣大步推,仲要臨仆街前篤射遠柱,迪基亞呆若木雞零反應, 只能從網中攞返粒波出黎開波.
眼見一個和其他收工, 點知黑帝89分鐘走出場邊手執電話, 走地補飛買個和, 轉頭就入返場踢,一收到馬會接納投注信訊,轉頭泰仔已經射成6:5即刻完場,直接搣飛收工~
[ 本帖最後由 no.14 於 6-1-2023 11:12 AM 編輯 ]
