臨場冇雨睇黎唔會大利游水馬~
不過場地讀數2.75明顯幾慢...觀察下會唔會跟前啜腳難追~

泥地8.52 與季初「拼勁」大利放當日相近~
初步可以放頭馬評先~

泥地更新到9.21~
乾得好快可以計返正常泥了

賽道特色：對上一次C+3谷草賽事於今年2月22日舉行，由於C+3跑道彎位夠銳，跟前內疊馬常有不少優勢，當日更加上場地偏快 (場地讀數: 2.68) 及轉彎步速多場加快，形成沿途貼欄馬優勢大增，而明日天文台預測將會有狂風暴雨，如臨場下雨唔壓地可能令直路走外疊馬優勢大增，故須多留意天氣情況及偏差才作投注策略。

全日馬膽：第八場 5.幸運雄威
冷門突擊：第二場 9.神奇馬車

賽日重心：
第一場 6.華麗堡 3.及時雨 1.大東海
第八場 5.幸運雄威 7.小宇宙 1.玉峽生輝 3.風雲上將

  



第一場 5班 1650米
6.華麗堡 3.及時雨 1.大東海 4.日月霸王

5班頭場賽事多數都對前領馬有利，可能馬主､練馬師及騎師都係未清楚跑道偏差時都會以較文靜方式去進行賽事，步速相對會較慢。
「華麗堡」剛戰休出跑田草初度上名，雖然賺步速及跑道，但盲門路程末段拉遠「駿威煌」距離表現已很好，今仗第2仗體力正強，而抽到內檔將大有機會守BOX SIT好位，好至黏地更曾於季初入Q，正路馬膽。「及時雨」轉倉後於上仗轉配備下走不利場地追近，落5班便大有機會爭取轉倉後首WIN，外地6戰黏地取得1勝4位甚準，如夠快更可頂住前駒守貼欄第2隻最佳位置，亦可挑戰冠席。「大東海」轉伍廐初出，1月轉倉後一直操而不戰，季內一落5班就可上名，而且上季初出亦即WIN，加上KEEPER子嗣黏地多數出色，亦有好檔用柏寶求即食。「日月霸王」剛戰大賺步速形勢只可捱入一席季席，但人馬尚合拍，同父馬「勝利金剛」､「御將軍」等都特擅黏地，如順利放出亦有力爭位。
「冰火」上賽後休10日復課，3月更兩度缺課而期間一課快跳都冇，等熱身後泥地才捧。「八佰匹」同父馬黏地冇問題，但馬實力差唔多而且抽大外檔難跑。「恭喜發財」今季黏地開齋但今仗排12檔亦甚難跑。「迅者」､「不老精英」匆出大幅增程唔易突圍。

第二場 4班 1650米
9.神奇馬車 10.威水福星 4.財神駕到 3.私家路

水準極低4班賽事近況有好賽績嘅馬甚少，故選返一D季內曾有不俗賽績嘅馬匹加黏地成績去選馬。
「神奇馬車」季初跑啱步速而敗以為實力一般，怎料其後顯著進步，先與其後再嬴嘅「勁擊」一齊走不利場地而嬴，之後亦再於不利分配下與「明旺」一齊衝入一席，安排小休跟跑一仗，今仗休後第二仗，6檔可守機動好位，同父馬黏地賽績尚可，本身跑爛地､泥地都不俗應能應付變化地，冷膽可一搏。「威水福星」今季轉倉後成績穩定，取得3WIN2Q，上仗初跑4班賽賺形勢下跑入亞席，今仗雖排9檔但內側快馬唔多可守2疊，同父馬「駟馬難追」於黏地兩度入Q，正路配腳之一。「財神駕到」現時於田草多併只能入位，轉谷草一試可賺級數，本身曾於黏地取得季席，亦可挑戰對手爭取第一WIN。「私家路」同場少數可於此程跑得好嘅賽駒，季初嬴黏地而且不必睇近績，上季重戴眼罩入位，用返嬴馬拍檔安國倫亦可預一席冷腳。
「按得掂」外地雖曾嬴黏地但亦兩次大敗，而且於9至15號缺課一週，用柏寶也難。「一定快」本身可於黏地入位，母線有長力冷勿忘。「回鄉精神」黏地可但上仗走有利場地追得唔多。「開心駕到」剛戰走有利場地及賺步速下跑得差。「白鹿勁」上仗步速跑啱被「森淼獵鷹」拋離。「傑出君子」休出好，但谷草成績卻甚差，如極大雨下才可令此駒有突圍機會。

第三場 4班 1200米
9.神童 7.必勝熊 3.深智能業 1.勁信心

跑至第三場就算雨中進行內疊場地應未轉差，今場多匹近績相近水準之馬作賽，而有中外疊馬搶嘅情況步速應可前快轉彎都正常，內疊馬優勢會增加。
「神童」近3仗越跑越穩定，而且連續2仗跑至氣管有血都能取得亞席，最重要係現時唔使放跟馬都得，剛戰對手「妙不可言」跑田草都近而「共同目標」早已指出非一般4班馬，今仗2檔可放或守BOX SIT，同父馬黏地勁多重安心，鄭廐未交代馬戰意必高，首選此駒。「必勝熊」早前已跑谷草追得不俗，前仗轉田草更可與「山頂」串Q，今仗轉用剛替同系馬「熊英雄」嬴馬嘅馬偉昌有誠意，1檔守前駒之後試準亦可爭WIN。「深智能業」上仗重用頭罩表現即回復水準，慢步速下直路走外疊以最快末段22.5追入一席第3，勢頭甚好，外地5戰黏地1W1第3尚可，11檔局追一段可爭入一席。「勁信心」上仗休出直路反撲上前，似重拾角逐興趣，賽前試閘輕鬆與一堆高分馬一齊走，黏地曾嬴亦安心。
「化工之昇」上仗加罩走勢一般，黏地曾1勝。「金鑽龍華」剛戰弱組完全唔追黏地可也止於4-6名。「大旋風」軟地可入Q但過往大幅縮程表現一般，唔用10磅仔雙重加磅也欠安心。「鑽飾天使」父系ONE COOL CAT子嗣黏地特佳，冇績但若臨場有雨必拖，論賽前準備今場也最強落埋草地試的。「海之宏」有黏地績但似未減夠分。

第四場 4班 2200米
8.勇先生 3.印度光輝 6.勝利福星 4.好運得福

谷草大長途混戰，同場有此程賽績馬甚多，步速亦難以估計，臨場就算跑變化地亦難去作出理想投注策略，如搏冷才可考慮小注。
「勇先生」85分自購馬季內減至45分水平就跑此程開齋，輕鬆取勝，之後密跑才逐漸失望，始終900幾磅馬體質較弱未必可頂得住，今次小休復出，上個月試完大閘再不斷拍跳打磨，3檔大有機會取BOX SIT好位，外地4戰黏軟地冠亞季殿各1，適應變化地全無問題，作膽。「印度光輝」前仗谷草走不利場地追得甚勁，匆出沙田怎料走樣，今仗回師谷草跑大長途，上季於此程與「旺國手」以半個馬位分勝負，黏地以往4戰2亞1殿夠強，正路配腳。「勝利福星」季初比現時高5分嬴田草1600，黏地亦曾勝，賽前一如季中上名般試大閘才出賽，重用柏寶現戰意。「好運得福」KEEPER子嗣淋地強，本身亦1戰即勝，大前仗不利形勢下追嬴後，兩仗一仗走不利場地及蝕步速形勢，剛戰更直路大力勒避無路可上，小休再出此程上季追得不俗，冷腳之一。
「康駿」季初表現勁但復出卻一步都冇。「家傳碧玉」起用韋達但前途跑2000走勢失望。「不老英雄」淋地準，唯月初冇快跳程序欠安心，成冷才拖一票。「追月」黏地不俗但初跑2200欠根據。「勁威小子」上仗不過不失經驗少下大幅增程亦難。「實業傳奇」有上調空間但同父馬及本身黏地成績差。「太陽奇妙」上仗小休出表現失望，幸此程6戰2勝2位夠強。「電訊高星」回4班作賽，同父馬黏地好亦有邊線機會。

第五場 4班 1200米
4.永順益 7.定做 2.駿方 3.百利旺

三T次關場次唔算複雜，範圍圍繞幾匹此程有根據嘅馬匹已足。
「永順益」67分自購馬外地一戰黏地即勝，來港後練者給予充足時間成長及取陣上經驗，近3仗開始展開收成期，無論放頭､跟前及留後均有不俗表現，剛戰慢步速走不利外疊追近後匆匆再出，續用柏寶有2檔之利大有機會取得第2場勝利。「定做」早前同程大賺形勢嬴，今仗預期會有相若形勢，如「駿方」順利放出就好有機會帶此駒上前爭勝，本身黏地曾取得季席，可捧。「駿方」季內黏地嬴同程，現減至相等評分有10磅仔之助，如正常場地今場為壓地後第1場內疊應可回復正常，如落雨更能突顯此駒淋地性能增加上名機會。「百利旺」狀態穩定，且10歲老馬冇保留，黏地賽績佳成冷再爭位。
「香港至尊」小休2個多月，期間兩試大閘轉配備出戰，本身初出一仗跑得唔差，有變身條件可拖一注。「團隊精神」追極都係位置，早前指出此駒於外疊會追得較勁，5檔如早段留守好位直路才移出外欄衝會更好，但淋地就會減弱此駒戰鬥力。

第六場 3班 1650米
9.旅遊小子 6.喜來仙子 3.香檳歲月 12.川河名駒

三T尾關邊線馬甚多，而且跑至第六場可能外疊場地會越來越好，今場步速早段可能會偏快而轉彎稍稍拉慢，故內疊馬未必有好大優勢。
「旅遊小子」此程起家，近仗轉田草1400以後追跑法多次追得勁，睇今季跑谷草早段落腳亦冇以前咁快，今次8檔可跟前列2疊生位未必比貼欄馬差，加配韋達一如「紅日」巫記都嬴唔到比韋達交代，雨地更2度入位有根據，做膽應穩。「喜來仙子」早已到谷草作賽吸收經驗，上仗跑1400走不利場地及蝕步速下追得好，1650同步頻未交代馬戰意好，外地5戰全跑黏地2勝1亞2殿，例追一段如外疊場地較好就能蝕得起。「香檳歲月」季初以出色姿態嬴「明興寶寶」及「紅山茶」，大前仗轉谷草作賽能力鬥「自由港」，上仗可與剛嬴田草嘅「至尊飛星」保持同速，此組會夠用，如臨場落雨亦能提升機會。「川河名駒」轉倉後曾跑同程走不利場地追得不俗，之後3仗轉田草可能級數未夠，現時返谷草會更好，外地2W均於爛地嬴，變化地有權出冷。
「愛睦善」季初能力鬥「安穩」，但休出後表現一直失望，地淋才諗。「閃耀小子」谷草特佳，小休第2仗體力充裕，12檔如跑黏地就可預以一席。「新力多」同父馬黏地恰可但剛戰休出熱身冇走勢。「奄尖大少」多次谷草跑得好要靠形勢之助，7檔要切入也非易事。「幸運金龍」大前仗跑田草勁但剛轉谷草表現平常，黏地更無甚根據。

第七場 3班 1200米
4.活力至寶 7.駿蹄飛 8.心中有程 6.帝國勇將

孖T尾關多匹淋地有根據嘅馬作賽，步速估程段段快大利內疊中置形馬，如內疊繼續好就多加留意內檔馬，相反亦然。
「活力至寶」今季跑落未算有FORM，只於前仗谷草追得稍好，季內常跑田草可能現時評分已難取得突破，今仗強配柏寶賽前試埋草閘先出，淋地特佳而且大摩未交代馬戰意必高，6檔相對較內或外都安心，希望臨場有雨可增加此駒爭勝機會。「駿蹄飛」黏地同樣2戰全入位，吳廐寶藏評分亦有空間係手，今戰抽到2檔應可跟「心中有程」而上形勢不俗，只要內疊場地唔差就有力挑戰前駒。「心中有程」近兩仗縮程效果唔差，前仗同「尊勝福星」鬥燒唔斷而剛戰走有利場地亦肯追，強配嬴馬拍檔韋達，淋地賽績佳4戰1W2T，但同樣要擔心內外疊場地問題只作配。「帝國勇將」只得1000磅馬淋地無大根據，但上仗走內疊不利場地追得不俗，今仗強配馬偉昌如外疊場地好有力出冷。
「搏得分」上次有利場地應要追得更好，但外地黏地強如變化地機會又提高。「牛精巨星」外地跑黏地除初出獲3冠1亞，上仗走有利場地但能頂住「幸運紀錄」及「禮尚往來」，有邊線機會。「連利福星」有黏地賽績，上場走有利場地追不過不失現時評分位置居多。「紅運福星」連續兩仗賺有利場地追近恰可，同父馬黏地強如變化地就要拖。

第八場 3班 1200米
5.幸運雄威 7.小宇宙 1.玉峽生輝 3.風雲上將

兩隻田草級數甚高嘅馬轉谷草作賽，而且排檔尚可，臨場要睇場地就可定邊一匹做膽，範圍唔多應熱門結尾。
「幸運雄威」連同外地三戰黏地全勝，剛戰氣管有痰不利步速形勢走外疊追近，早前嬴再出取得佳績嘅「堅旺財」及「太陽海岸」夠級數，轉谷草只要適應比「小宇宙」更好。「小宇宙」早熟應會盡用，同父馬跑黏地無問題，早前多場嬴步速形勢但姿態可人，今仗只有「幸運多寶」會對其施加壓力，屬前駒最大對手。「玉峽生輝」轉告廐近仗表現出色，小休復出有中距離級數可搏，上仗騎者發揮不智直路無路可上，今仗有冷味。「風雲上將」外地7戰4勝2亞1季極忠心，此系馬戰意亦好，操足而臨不得不防。
「勁有盈」現時評分要靠賺才可，黏地有根據的。「喜惑」短距離對手冇早前咁多，但未算太銳8檔亦難跑。「大進」過往大幅縮程表現並不理想，反而休出才好。「吉利大師」季初追嬴黏地賽，今場配柏寶要外疊利追才可拖。

引用:

原帖由 GR上杉圭 於 25-4-2012 06:59 PM 發表
全日馬膽：第八場 5.幸運雄威
冷門突擊：第二場 9.神奇馬車

WIN 晒BINGO!!!

賽道分析：對上一次A欄田草賽事於3月18日舉行，當日草地場地讀數2.69，場地偏快，令貼欄跟前馬優勢甚大，而且對再前一次賽事都係少轉彎賽事去養草跑打比，故參考價值不低，唯一係聽日天文台預測有零散驟雨，如非整日有雨對場地影響都唔會太大。


全日馬膽：第三場 1.小橋流水
  
冷門突擊：第五場 9.京城三寶
  

  
賽日重心：
第六場 1.風雲武士 13.超級精神 9.博愛福星
第七場 13.綽力之城 14.電子福星 9.無懼風雨
第九場 3.包裝博士 5.驌龍 4.較量

   


第一場 5班 1400米
5.愛蓮說 12.光芒四射 3.駿威煌 8.團隊福星

5班賽事到季尾一D比較好賽績嘅馬都已經上咗四班，今場有好近績嘅馬並不多，而頭場+步速唔快下跟前馬會比較有利。
「愛蓮說」4班上名嘅級數現時落5班會大利，剛戰休後復出第一仗跑嫌短嘅1000米全程未能完全望空下以不俗勢頭追得一席第4，今仗匆匆再出達半上名率嘅路程，步速唔快可前置，加上父系淋地強，落雨對此駒會更為有利，處女馬必把握機會交代。「光芒四射」季初跑泥地已跑入一席第3，之後更於季初B欄內疊極不利場地追得甚勁，本以為有一番作為，怎料其後加單邊羊毛面篩後表現一落千丈，今仗強配韋達而除下所有配備，如跑回季初水準已夠嬴。「駿威煌」上仗賺晒慢步速而不敵同樣賺嘅頭3名，表現只不過不失，但今仗又可再賺慢步速，用杜利萊而且賽前操練積極，有力跑入3甲。「團隊福星」剛戰賽前疏操下表現一般能理解，今仗賽前操練積極得多，季內嬴此程姿態輕鬆，起用潘頓馬房為上岸要出擊了。
「大地神駒」前仗上名同樣賺形勢，今仗12檔要留得較後考驗會更多。「華劍寶」剛戰近全因場地及步速都賺，此程能力唔算強。「天子駕六」試4課大閘先跑今仗，實際上近績並唔理想，休出亦非特別好。「怡情養勝」跑得太密，會有評分上調空間但13檔亦會蝕步速。「實在好」似已回落。

第二場 4班 1200米
2.信心十足 14.大將軍 10.威力寶 7.翻羽

多匹新馬登場，舊馬中有一匹騎師同馬房熱門成績都極差嘅明星馬，睇下會否因此原素影響馬匹表現。
「信心十足」年初初出嬴直路一千，事實上極少見到跑最短途可於如此後嘅位置追嬴，本身末段快總末段0.8秒，鄰近對手「日日中」再跑一千入Q，其餘「小宇宙」嬴到2班評分，「千軍萬馬」泥地都嬴埋，可見水準甚高，二月試閘後停課，復操後兩試大閘才出，用埋必殺操練，嬴面壓一。「大將軍」近3仗轉田草此程每仗都有進步表現，前仗轉彎加快步速走大外欄追得不俗，剛戰因騎師取位不智下直路冇路可上亦追近，今仗2檔可切入跟「創出商機」，形勢亦會好，只要取位有誠意就有力爭Q。「威力寶」蔡廐初出馬，達1250磅夠晒噸位，試閘走規純熟，而且4歲初出澳洲馬進度亦會較好，可爭Q。「翻羽」數度試閘與強敵對決，包括「山頂」及「威利加數」，唯一一仗輕鬆跟跑就迫近初出即嬴嘅「綽力之城」及「祟山寶」，試閘常可衝22秒幾操足而臨，勿因弱配而輕視。
「勝利旋風」此程跑返正常水準會夠用，但剛戰賺場地連「勁快」都跑唔過。「太陽好好」胡亂增程上1400後跑唔返，可能要等下季休後再諗。「中國天使」上仗初出走不利外疊追得不俗，T/F4腳可預。「天佑八方」初出已甚重飛，同樣操足跑但14檔考驗極大。「神聖駒」上仗柏寶發揮一絕直路騎落無，止於邊線腳。

第三場 公開賽 1200米 [短途錦標]
1.小橋流水 3.傾力之城 5.甜將

只得七駒作賽，平磅下高分馬始終優勢甚大。
「小橋流水」季初已證明有本地短途頂級實力，力拼「時尚風采」及佳速鬥嬴「富貴金龍」，之後密跑下體力頂唔住，剛戰小休後威力重現，負頂磅下以21.67極快末段輕鬆拋離對手嬴，「甜將」小休同樣威力強都冇得追，今仗少馬要集中攻擊佢都著實不易，再嬴機會甚高。「傾力之城」2月跑同程只不敵「時尚風采」､「天久」等強敵，上仗亂跑力留留到搶晒口先輸，今仗少馬應會順放，如天雨未影響得大之下可有力挑戰亞席。「甜將」評分差唔多見頂，上仗休出跑1000雖嫌短，但明顯級數有別，今仗回1200形勢會比1檔好，如偏慢步速鬥爆一段仍有力取得亞席。
「君子一言」如非健康影響都有機會成為本地一級馬，但賽前又見唔太敢快跳狀態未足下難言勝。「富貴金龍」今季進步大有力挑戰冠軍地位，但1檔預期貼欄第3隻慢步速鬥爆便要先讓幾個馬位。「步步快」同樣健康影響出賽頻率疏，上季尾可輕鬆嬴「富貴金龍」的。

第四場 4班 1400米
3.綠豆爽 13.桂花飄香 7.各適其適 11.凱旋威

3T首關已經出現難題，事實上如「綠豆爽」非排外檔作膽會安心得多，現時11檔要睇際遇相對冇咁值熱捧了，全場對手弱旅甚多，有膽腳亦唔易揀。
「綠豆爽」出道3戰獲2亞1季確認準繩，今仗11檔早段可能須要用力切入克服，幸對手唔算太強下黏地亦合，作膽始終信此駒。「桂花飄香」漸漸回復狀態，上仗沿途走外疊都跑得接近，雖未可威脅前駒但仍有力爭入Q腳。「各適其適」剛戰初出可與再出差D嬴嘅「愛歡笑」一齊追近，同父馬早熟而母線有長力，但始終增程1400難度頗高，只宜作配。「凱旋威」上仗同程直路無路可上仍追得不俗，少見吳廐馬可咁早跑得接近，踏入季尾爭成績上岸，如夠戰意有力加入戰團。
「至勇威龍」前仗走不利場地追得不俗，落班會好但近4週只一課快跳而且體重再創新高欠安心。「風雲」唔明點解柏寶始終唔肯放手，出賽差而試閘只不過不失。「騎士皇」早前跑得好並冇眼罩今仗終於除返，初跑1400要跑得比之前上名更好就有位望。「金威王子」轉廐初出，之前試過走得接近但轉倉一個月變身條件不足宜先觀望。「風度翩翩」連續兩仗賺取得1W1P，今仗2檔可再賺但只可止於3-6名。

第五場 4班 1600米
9.京城三寶 12.歡樂寶寶 5.業盛於和 10.辣得醒

次關不比首關易，同樣近績好嘅馬都有甚多疑點，如非必要此關只可小注而非可重心投注嘅一場。
「京城三寶」季內可於此程嬴「明旺」，亦兩度於1800跑入位置，相對賽績較硬淨，剛戰賽前疏操下跟跑而回，小休再出賽前操練做得足好多，杜利萊揀騎搏可出冷。「歡樂寶寶」早前已講於4班可鬥「勁高手」，剛戰跑偏慢場地便可同樣跟得唔慢下以勁勢大勝一場，上4班絕對未可睇少，4檔如取位理想亦能爭WIN。「業盛於和」前仗田草走蝕位追得不俗一轉谷草便憑級數嬴，最後幾步已奠勝收韁姿態好，今仗轉田草要略加考驗，評分未盡亦係爭勝要角之一。「辣得醒」初出一仗已追得好，剛戰起用韋達追勢只一般，今仗強配薛寶力，有過一仗氣量經驗只要可跟得較前亦可爭。
「好香港」初負頂磅初增程難度高，排大外檔更增加難度要嬴要過好多關，事實上個人覺得能力並非同場最強一匹。「勁加勁」表現反覆，如有心情跑就亦有機會爭位。「文武精神」上仗賺有利場地追得不俗但賽前又缺課。「傲闖」剛戰谷草跑到一絕都3甲不入，轉田草更難。「新霸龍」操足休出，但早前未有表現應難突如其來。

第六場 3班 1400米
1.風雲武士 13.超級精神 9.博愛福星 11.銀子彈

尾關場次較簡單，但實力馬都有疑點，幸賠率上值搏得多，只有跑回基本實力將以此幾駒機會最高。
「風雲武士」上季於同程嬴「魔幻大師」而其後再力拼「驌龍」及「甜橙」，級數甚高，今季受健康影響2月才復出，直至上仗末段終可輕鬆衝22.42，名次雖後但喜見有追勁，今次對手轉弱有內檔之利，步速唔快柏寶可守前列位置直路移出一攻而破。「超級精神」季內田草同程兩度入Q而對手不弱，轉谷草開齋後一直密跑，小休復出賽前試閘走勢不俗，亦有內檔之利賺步速爭入一席。「博愛福星」今季進步而且兩仗不利形勢下追嬴表現甚勁，之後增程上班跑1600不利步速都追得好好，1000磅馬連搏3仗剛戰走最外疊追體力回落可理解，之後放草20日休息，賽前操練未算好積極但細馬會較易操起，只要際遇較好亦有力爭WIN。「銀子彈」增程試過長力剛戰跑1200以最快末段追入一席第5，今仗對手無上仗咁強如利外疊追亦跑入一席。
「齊哈哈」上仗賺內疊辛苦追過「八逢九紫」，等洗完底跑返谷草先諗。「馬上得勝」前仗大賺下嬴「小宇宙」，上仗打回原形今仗初增程1400難度高。「塑料盈」亦係大賺內疊嬴馬，辛苦鬥嬴「創新高」於此組便難以一爭。「俊飛象」剛戰泥地追得不俗，但轉田草又要計過，不過同父淋地好如場地慢就要拖一票。「高耀之寶」上3班對手太強。

第七場 3班 1200米
13.綽力之城 14.電子福星 9.無懼風雨 11.開心陶寶

3匹新晉強中強應可穩入前2名，睇下有D咩會不怕加分而力爭3-6名。
「綽力之城」初出輕勝直路賽後剛戰上3班挑戰強敵，雖只能跑入一席第3，但前3名一齊走內疊不利場地而亞軍「芙蓉之寶」再出補中，級數夠高，有過一仗轉彎路程及步速經驗相對會較蔡廐另一匹好，5檔亦可輕易於早段取得好位，配合大賽日大摩變倍器之一。「電子福星」4戰未失前4名，前仗初增程都輸唔遠，剛戰又馬鞍滑移，初出場地偏慢嬴得輕易，只要體力保持就可與蔡廐馬爭Q。「無懼風雨」初出晨操姿態嬴馬似實力極強，但當日賺步速､場地而且時間並非特別出色，今次上班排12檔要預極高考驗，必成熱Q腳才預。「開心陶寶」前仗就係配馬偉昌就入Q，今仗排3檔亦有望相若形勢，再力爭與大摩串Q。
「爪皇盛水」過往成績極佳，轉方廐後未養得返剛戰谷草跟得急但被領放馬「尊勝福星」拋離。「順利得勝」上仗谷草走不利場地追得不俗，但轉返沙田對手又會強得多等谷草再諗。「巧龍」外地成績唔算準，來港後最後一課試閘走勢好，T/F4可拖一注。

第八場 公開賽 2000米 [女皇盃]
6.自由好 2.瑰寶灘 1.加州萬里 4.統治地位

全場馬幾近完全冇步速冇前領馬，鬥爆一段之下當然本身級數高會更為有利。
「自由好」今季跑香港瓶轉彎發力下仍能頂住一席第2，早段一度出頭，香港自「原居民」後都少有可於此盃跑得甚佳，之後兩仗三冠馬王頭兩關都走最外疊而追得不俗，上仗回讓磅賽與「滿綵」同負磅下拋離輕勝，今仗對手再轉強，但香港希望「加州萬里」遠征後試閘失色此駒機會就能大大提高，唯一希望步速慢之下可跟得較早鬥爆一段可一衝而過。「瑰寶灘」外隊馬中級數最高，能於葉森打比以短距離力拼第2及其後嬴愛爾蘭打比，上仗休出跑司馬經典賽末段唔夠衝只跑得第4，但前3名為世界一級賽駒，今仗休出第2仗體力夠強，1000磅馬跑此程過往多匹都甚好成績，可前置排外檔亦可像「陽明飛飛」般切入。「加州萬里」同樣遠征杜拜回來，唔同嘅係已經搏咗大半季，賽前試閘走勢亦甚差，希望狀態能及時回復，計能力香港隊中應比「自由好」更高。「統治地位」血統一流，父系「龜波氣功王」04年嬴NHK一級賽及打比後當年就退役配種，而母系為一代名雌「氣槽」當年嬴天皇賞(秋)，此駒於日本經常托大跑法場場走最外疊，今季復出跑一場2200米二級賽就走大外疊嬴得出色，之後跑2500日經賞當日頭馬大逃跑法放甩嬴，而此駒亦於轉彎發力走大外疊不利場地得第3，今仗用外藉騎師會更好，而且李寶利當日曾替此駒嬴馬，能力未算頂級但跑出超水準就能一爭。
「魔法幻影」剛戰辛苦才追過「傾力之城」。「鬥牛城」前季同場唔夠「自由好」衝。「陽明飛飛」1600較好而「甜橙」為4歲馬中實力最強一駒，但其他於打比大賽跑得好嘅馬再出成績一般，而且已連搏數仗今仗對年長馬考驗大得多了。

第九場 2班 1800米
3.包裝博士 5.驌龍 4.較量 14.爪皇豪火

4歲精英主宰賽事形勢，而且明顯步速會極慢下多匹前領馬形勢甚好，重心場次之一。
「包裝博士」前仗走不利場地不利步速下只以短距離負於「驌龍」，之後再出便可輕鬆嬴其後再勝嘅「華美之星」，能力至少值110分，今仗初跑1800但對手未見大幅增強，慢步速亦有助於適應，今仗可再下一城。「驌龍」早前連續兩周縮程嬴難度亦唔低，打比大賽3周連搏3仗落敗合理，小休一個月試埋大閘始復出，有同程勝出經驗起步亦有長直路易於此駒切入，正路配腳之一。「較量」剛戰蝕分可與「自由好」串Q，賺場地下頂得住「沙貝利」衝刺表現不俗，今仗對1眾4歲精英負磅大幅增加15磅作配較安心。「爪皇豪火」早前同程嬴打比亞軍馬「同個世界」，小休復出有望重現能力，相對負磅較輕下如外疊場地唔差有機會可克服慢步速爭位。
「花月春風」打比追近只不過不失，賽前試閘走勢牽強負頂磅更難跑。「按得美麗」早前入位一仗冇勢，小休也難期望大幅進步。「精算縱橫」泥地嬴得出色轉返草地陪跑機會較高。「卡通飛飛」上仗閹後復出跑谷草賺晒步速場地只近而無威脅，轉田草更難。「歡欣滿載」有2班能力但表現反復難寄以厚望。

第十場 3班 1800米
11.真慷慨 4.飛翔星 8.財寶鷹 5.高友勁

3班中長距離賽事近期都係呢一批馬對疊，而此幾匹賽駒都互有勝負，今仗步速唔算快但到尾場可以中外疊並唔蝕底，評分調整過後睇下較輕磅的一匹會唔會有利。
「真慷慨」前仗同程取位不順下仍能追入一席第4，剛戰雖走有利場地，但明顯只得一匹可以此勁勢追得季席，勢頭極強勁，相對出賽經驗及同程經驗都比主要對手「飛翔星」好，只要外疊場地冇問題就有力反先。「飛翔星」加分初增程下仍有勝望，除出道兩仗越跑越好外，上仗就走不利場地下鬥嬴前駒，今仗讓磅增多而且冇同程經驗下作配較安心。「財寶鷹」亦係一匹多次於中長距離跑得好嘅馬，今次回配潘頓近兩仗戴眼罩效果亦好力增季內第二WIN。「高友勁」前途雖大賺形勢嬴「財寶鷹」，但大前仗快步速下唔斷力拼入一席第3，今仗預期快馬唔多可稍賺形勢，仍有力爭位。
「安穩」剛戰谷草嬴得甚輕鬆，但轉田草負頂磅就難度大幅增多。「中環英雄」近況表現差淋地亦大打折扣。「雨電風雷」跑出水準此組會夠爭，休出如有賠率可拖一票。「健康藍莓」剛戰有少少回落草地3班賽對手亦太強。「勝風」谷草賽事近跑田草對手又唔同。「紀利威威」連續兩仗賺場地追勢只不過不失，初增程1800同樣難度高。

引用:

原帖由 GR上杉圭 於 29-4-2012 03:08 AM 發表
全日馬膽：第三場 1.小橋流水
  
冷門突擊：第五場 9.京城三寶

熱WIN冷P~~
繼續GOGOGO~~~

引用:

賽日重心：
第六場 1.風雲武士 13.超級精神 9.博愛福星
第七場 13.綽力之城 14.電子福星 9.無懼風雨
第九場 3.包裝博士 5.驌龍 4.較量

重Q/重W

賽道分析：上次谷草A欄賽事為3月28日，場地讀數2.69，當日早段場次大利貼欄前置馬匹，直到壓地後(第五場及之後)形勢才有所改變，偏差減少而外疊場地有少少優勢，對上一次谷草日於雨中進行而C+3場地，即今次中､長疊係雨中踐踏較多，，昨晚雖有雨但今朝陽光普照應會乾得快，養草足之下早段內疊跟前馬會有唔少著數。


全日馬膽：第八場 2.摩法神采

冷門突擊：第四場 5.信賴


賽日重心：
第三場 4.駿馬精英 1.威騰駒 2.精密紡 6.生豪
第五場 8.大把世界 1.一團威 6.晨采 7.天瞳
第八場 2.摩法神采 7.精奇 6.歐洲駿馬 5.加州動力

  


第一場 5班 1000米
10.千笑 8.盈驥 1.時時有機 5.普道馗

5班頭場賽事加場地夠快，可搶前貼欄馬優勢極大，故以放頭馬行先。
「千笑」前仗放得急跑田草都唔斷，而且前3名賽績夠強，再出都有不俗嘅表現，上仗出閘最快卻刻意力留並非用最佳跑法角逐，賺場地下追入一席第4只不過不失，今仗強配柏寶，5班賽成績甚好而且此駒跑法甚似當銳時嘅「創先機」，只要早段肯放就可坐亞望冠。「盈驥」前仗早段按韁與狂搶嘅「友情友義」同速，今次續用黎海榮已退熱，大有機會快過1､2檔馬而切入守BOX SIT，形勢大好，兩季未交代戰意必高。「時時有機」上季尾可嬴田草1400於谷草1000便大賺級數，2月放草回歸後唔急於報名，操足先攞定保護權跑今仗谷草1000，潘頓停賽早BOOK定馬偉昌過檔，如肯放冷品十足。「普道馗」連續兩仗出閘笨拙失地甚多要留後，過往此駒會夠快前置的，前仗大賺入Q唔叻，但上仗卻走不利大外疊追得唔錯，際遇好的話位望亦高。
「飛天龍駒」1200較好，上仗走錯位可當回氣賽，最麻煩係又轉配備唔知幫咗定累咗，有賠率先值拖。「友情友義」前速未必夠快，10檔如內疊馬鬥搶要走3疊就基本上BYEBYE 了。「滿貫之寶」一直都係追入無威脅嘅4-6名。「合利高」剛戰雖排外檔，但走位出色下沿途貼欄直路拉出去衝賺晒的，表現一般而且今仗8檔亦會難處理。「多樂趣」口勁重縮短途會好，今季初跑谷草，如有分頭拖一票無防。

第二場 4班 1000米
10.勝利大將 2.首飾達寶 1.綠色快駒 6.綻放美麗

全場並冇一匹確認會搶放嘅馬，而且季內有好賽績嘅馬近況一般，故並非一場可重心投注嘅賽事。
「勝利大將」早前落5班跑直路賽大勝後表現平平，直至剛戰谷草日賽用返嬴馬配備，前正常轉彎加快步速可於後列追22.08末段得第4，表現進步，今場排3檔唔使好似剛戰因排外檔而力留切入，有基本前速的，蘇廐馬好開會好，作膽最穩。「首飾達寶」上季初出一鳴驚人，之後進度徘徊毫無表現，可能本身角逐興趣減退都對表現有所影響，早前跑谷草見轉彎順暢，起用往年馬房愛將，週日亦見此子非常積極，如順利放出有力帶到。「綠色快駒」初出賺形勢下嬴，之後兩戰排外檔冇得賺就表現遜色，上仗賽後騎師更報告馬匹途中用鞭都冇反應似失角逐興趣，今仗休後出擊，賽前2試大閘走勢都好，只要頂磅唔影響太多有機會配合馬房攻勢而來。「綻放美麗」田草上名級數未算高，但轉谷草就會有著數，而且馬房轉鼻篩配備馬可多加留意，初戴眼罩可跟「首飾達寶」切入，亦見位望。
「樂有嬴」可能係現時全組最有評分上調空間一匹，但今仗步速唔會賺更要走外疊蝕住嚟追，T/F4才拖。「韻出真愛」起用柏寶求交代，但上仗與「勝利大將」同走有利場地唔追。「勝在分秒」連續兩仗入Q賺跑道，今次11檔除非內疊馬全部力留令此駒可切入1疊才有望。「西域雄心」剛戰勝出姿態不俗，但7檔要切入非易事，對手亦比上次5班弱組強得多。

第三場 4班 1650米
4.駿馬精英 1.威騰駒 2.精密紡 6.生豪

孖T頭關範圍唔算闊，領放馬不多下「精密紡」常可轉彎加快令前領馬優勢增。
「駿馬精英」今季初出就可於3班守好位下與「邦先生」串Q，剛戰重戴面篩重拾表現，雖賺有利場地但明顯於4班作賽極有利，今仗有4檔續用馬偉昌，應可切入1､2疊前置好位，直路才突擊致勝。「威騰駒」前仗弱組大勝田草賽事，剛戰大利內疊情況下沿途走3疊競跑，轉彎加快步速負頂磅於外疊衝刺，200米處略受阻須收慢下才輸得較遠，評分雖冇利但轉谷草對手減弱咗好多，今季忠心肯跑谷草應可適應，同樣跟前可賺有位望。「精密紡」剛戰賺場地下表現只不過不失，未交代馬戰意高，賽前操練積極，雖排9檔但應夠快必入，亦可爭一位席。「生豪」初增程轉谷草作賽，上季事實上此駒已嬴谷草賽事，近仗肯追表現穩定，同母馬有中距離長力根據，1檔成冷可搏。
「正歡騰」此程嫌短，休出亦非特佳。「皇仁威龍」上仗大幅缺課都追得不俗，排6檔只要順利切入亦可加入戰團。「聚好盈」轉倉初出排11檔宜先觀望。「勝利多」5班輸近重回4班就要考驗。

第四場 4班 1650米
5.信賴 11.的確好靚 3.威力高 9.錢程萬里

3T頭關有能力及形勢嘅馬甚多，幸賠率又增加返值搏率，結果如何將依賴陣上各騎師嘅發揮，賽前難以準確預測。
「信賴」季初賺有利場地於此程輕勝5班賽，之後轉田草1400發展上4班對手更強，仍可取得1W1Q，剛戰休出走中內疊追近賺步速形勢嘅「卡加大師」及「幸運來」表現毫不遜色，返谷草作賽對手更弱，小休第2仗有5檔之助應可順利切入2疊爭勝。「的確好靚」從未入位，此匹4歲英國馬漸漸開始成熟，上仗就走不利場地追得一席接近嘅第5，鄰近過終點嘅「家傳碧玉」再出提升名次入Q，今仗步速夠快會利追，6檔亦易於搵遮擋用郭立基變冷更值搏。「威力高」上季跑田草於4班上名後轉谷草即勝，季初走3疊蝕位可逼近「邦先生」，今仗休後復出，賽前無間斷操練備戰，起用人馬合拍嘅柏寶夠誠意，亦有勝望。「錢程萬里」快步速才好，而且吳嘉晉曾策此駒入位，均速馬有力頂到一席位。
「好好機會」剛戰走外疊蝕位跑，但當日外疊有利轉彎已見力弱，1檔也只宜作配。「財源來」上仗走中內疊稍不利場地追得勁，但今次10檔如非轉彎拉彎亦難跑。「清風駒」早前嬴此程大賺形勢，今仗8檔可能要跟3疊。「有盈有利」前仗田草走甩都唔到，幸退出後功夫冇減少更有一個休息期，2檔好跑Q/T腳都要預。「橫亨」早前谷草同程追得勁，近兩仗一跟前就再冇勁勢，今仗4檔未必會留如跟前又唔大寄望。

第五場 3班 1650米
8.大把世界 1.一團威 6.晨采 7.天瞳

三T次關出馬只得11匹，但近績好嘅馬多而步速慢形勢緊湊，會以前領馬評先。
「大把世界」早前潘頓早段力搶切入放快步速都差D嬴，剛戰守貼欄第3隻轉返居中跑法，直路早段冇位上最後幾步力追衝順嘅「晨采」，今仗再度對壘有內檔之利可放可守好位明顯賺得多，配合馬房攻勢必求交代。「一團威」田草1400墮馬意外一役受阻後追得勁，之後轉谷草作賽留後追3仗都冇位上，今次潘頓停賽起用韋達，可因應4檔守好位賺步速一鬥。「晨采」前仗於田草追得不俗，上仗跑谷草早段積極搶到BOX SIT位，快步速下跑得一席第2表現算好，問題係今仗11檔會跟前定留後成關鍵，鄰近檔位係關係甚深嘅何廐馬，如留後遇慢步速就難跑了。「天瞳」季內多次錯失黃金機會，今仗回配季內替其上名嘅安國倫，雖有1檔但前速唔多快下又要靠追，幸此駒常可交出22秒幾末段只要有位上就有力一爭。
「精彩生輝」上仗賺場地追勢尚可，但4月初缺課2星期欠安心。「福喜」上仗走蝕位蝕場地下重現追勢，今仗仍有邊線機會。「傳奇快車」常漏閘剛戰亦冇追勢。「天賦傳奇」有足夠前速，上仗與「幸運金龍」同到終點，亦可拖一票。「大衛精神」重用上名配備但早前賺咗形勢近今次要配備真係有大幫助至得。

第六場 3班 1650米
3.超群名駒 8.安甲 5.福到多多 10.太奇妙

三T尾關唔算太複雜，主要睇葉廐兩匹匆出馬表現如何，預期步速會前快轉彎慢利外疊後追馬。

「超群名駒」前仗嬴場地開齋，但剛戰轉返谷草跑卻有明顯比前進步之感，直路無位上而不斷受壓要走內疊不利場地，勢頭唔差，今仗排11檔，早段預期會力留，今場應有步速壓力轉彎拉彎下會益咗呢匹後追馬，睇剛戰誠意今仗會繼續搏，WIN最可取。「安甲」大前仗走不利外疊追嬴表現不俗，前仗大賺下對頭馬冇威脅只不過不失，幸該組對手較強，落到呢組便會有少少優勢，預期步速夠快會對此駒有利，正路配腳之一。「福到多多」上季此程可力逼「智友」有基本能力，今季轉跑泥地幾仗都嬴得出色，休後復出第三仗，剛戰跑泥地1800排不利13檔才輸得較遠，重回谷草有4檔都相當好跑，冷勿忘。「太奇妙」剛戰留後賺步速及場地追嬴，上返3班要考驗，事實上6檔今仗未必要留得咁後可中置形跑法，而且馬房今日強陣須兼顧。
「漸信良駒」剛戰雖遇快步速但斷得太快。「銘記心頭」早前此程跑得近全因大賺場地，10檔難克服了。「魅力星」上仗賺完一齊衝勢頭唔算強，應止於3-6名。「閃燿小子」分差唔多盡冇柏寶會更難。「旅遊小子」上仗韋達刻意走入面衝，匆出冇問題，但隔6日到昨日先踱步成疑問。

第七場 3班 1200米
2.尊勝福星 1.珠光寶氣 9.幸運多寶 11.無敵

孖T尾關形勢混亂，極快步速下要搏邊隻後追馬會有好形勢，由於步速會前快轉彎都快故選內疊後追馬一搏。
「尊勝福星」今仗步速一定冇得賺，但此大步馬可段段快開下頂得住對手衝刺放甩嬴，上仗就係偏快步速下走不利場地放到，賽績硬淨，今仗嬴面亦高。「珠光寶氣」剛戰休出走不利場地以勁勢追入一席第2，今仗加分加磅後排1檔，大有機會守貼欄第3隻，爭勝關鍵就在於直路能否搵到空位力追。「幸運多寶」上仗重現實力，只負於兩仗大超級馬而頂得住3班中堅能力嘅「勁有盈」，今場會夠快切入守BOX SIT好位，基哥識跑「火燎腚」只要沿用該駒跑法就可一爭。「無敵」前仗嬴泥地1200，上3班轉返谷草作賽直路走不利場地有唔錯勢頭，今仗快步速7檔亦會易於取位幾好跑，有力追入一席。
「清新空氣」上仗走稍不利內疊追嬴，今仗12檔又要考騎者發揮，賽前繼續積極配合馬房攻勢始終要拖一票。「開心動力」剛戰蝕過「沙紙」但走勢相若，今次兩駒互換位置以前駒較好，但於今場強敵當前應難以一爭。「威威加瑪」過往要單騎領放才好，今場步速壓力明顯太大。「雪米糍」休出跑短會有新鮮感，但同樣冇嬴馬拍檔而且初上3班唔易突圍。

第八場 2班 1650米
2.摩法神采 7.精奇 6.歐洲駿馬 5.加州動力

今場有重心馬膽但邊線腳甚多，可考慮重WIN細Q熱頭冷腳。
「摩法神采」上季可於田草1600擊敗「人人興旺」，現時97分依然大利，剛戰泥地後追一段明顯復甦，操足轉谷草作賽對手唔算強，步速甚慢5檔可跟前置好位直路一攻而破。「精奇」今季表現出色而且甚準，剛戰田草1600走不利場地仍追得甚好，轉谷草作賽同樣對手弱好多，11檔慢步速後追會好難跑，但願級數可克服不利因素一如同主馬「奇葩」般轉場跑得好。「歐洲駿馬」上仗走內疊不利場地與走外疊嘅「邦先生」一齊過終點，今次後駒要繼續讓此駒10磅作賽，4檔預期亦唔使留太後可衝入一席。「加州動力」初出毫無表現，剛戰留後試馬可交出22.67後勁絕對唔弱，今次轉谷草作賽有變數，如肯切入領放賺慢步速有力出冷。
「邦先生」評分漸盡10檔要後追亦唔易。「好好彩」同父馬隻隻早地都得個人仍未死心只純跑泥地，前仗嬴得出色今仗大賺形勢會拖。「鵬力洋洋」上仗落班險勝今仗對手大幅增強，要早段肯切入大賺慢步速才有位望。「易博嬴」休出會好，3檔如能順跟BOX SIT好位馬上前亦可一爭。「紅日」於3班大勝上此組對手級數增強亦須考驗，12檔應唔及對手追。「正白旗」剛戰賺場地近而今仗賽前急跌53磅，賺步速也難安心。「快人快語」轉倉即嬴此類馬馬房常會承勇用盡，但對手強應止於3-6名。

賽道分析：對上一次田草A+3欄賽事於3月25日進行，當日場地讀數2.69，早段轉彎路程沿途貼欄馬優勢甚大，直至後段壓地後(第七場及之後)反令外疊馬有優勢，今戰賽前養草與上次情況相若，唯一係有添落雨變數，故要留意賽日場地狀況再作調整。


全日馬膽：第十場 6.夢幻十一

冷門突擊：第三場 2.大衛金剛


賽日重心：





第一場 新馬賽 1000米
5.崇山寶 6.奇兵
「崇山寶」初出跑直路賽以玩敵姿態輕勝，步速唔慢末段輕鬆交出22.4，非一般新馬可比擬，保守估計現時值76分，今場嬴面極大。「奇兵」初出2歲澳洲馬，此匹KEEPER子嗣賽前試大閘有不俗前速，末反輕推之下反應都唔錯，同父馬如「薄荷糖」及「聖迪達」初出都有幾好嘅表現，受讓磅之下Q腳首選。
「奪目商中」上次末段推騎進展不大，中距離馬熱身後也難作出威脅。「百勝多金」父系MORE THAN READY本身擅短途，子嗣卻多偏向中､長距離，如「乘風破浪」､「中華寶寶」，加上同父母姐姐都係嬴1800米級際賽，試閘走規欠順宜先觀望。
  

第二場 4班 1000米
13.卡加精神 12.四貝勒 10.我的 6.明偉光輝
「卡加精神」於上手馬房其中一場谷草賽事與「卡加大師」一齊蝕位蝕步速場地追得不俗，後駒其後已可加添3W，此駒大前仗轉入高廐，近幾仗轉換配備試馬，前仗轉彎移出7疊蝕位走不利場地與「永順益」一齊衝，剛戰雖帶面篩反應一般，但仍可交出全場第2快末段，今次轉田草本身近1100磅夠噸位，而且對手甚弱有力出冷。「四貝勒」前仗比「海王子」移出更不利外疊衝，走勢不俗，頭4名對手都絕不遜色，血統早熟之餘於外地試閘兩戰均勝，已有4次出賽經驗12檔可早早居前同樣有力爭勝。「我的」父系血緣早熟，而且已踏入4歲之澳洲馬成熟進度充足，試閘走勢､出腳都純熟，有力一出即拼，勿因弱配郭立基而輕視。「明偉光輝」同父馬如「龍船快」及「花月佳期」都係頭幾仗跑短途有好表現，文廐質新馬亦普遍急進，試閘走勢相當輕鬆，2檔配直路賽好手杜利萊如順利移出也有機會一鬥。
「叻叻仔」外地嬴2000，到港後越跑越短，此組夠用但用人唔似一貫搏殺手法。「勁啲啲」轉倉第一仗已可於此程入位，無論外地及往績都以此程最好，埋門用埋必殺操練，同屬機會馬之一。「神采商人」上仗全日完成時間比標準快下於弱組末段力弱失Q，今仗負磅增更難以一鬥。「中國好」易主後準備未算足。「嶺峰」有前速但貫注力未足。「振動力」試閘走落岳頭須時間改善。
  

第三場 5班 1800米
2.大衛金剛 8.無敵駿駒 1.喜相逢 4.碧玉釵
「大衛金剛」1月初休出熱身後配人馬合拍嘅馬偉昌即可力拼「恭喜發財」僅敗，其後轉梁家俊策騎竟可兩度力壓之後嬴4班嘅「電訊至尊」勝出，剛戰1600米處已韁繩脫口，直路初已按韁，今仗賽前試閘反應出色，回配最佳拍檔，13檔快馬唔多可輕易切入2疊，坐位望嬴。「無敵駿駒」轉東廐表現進步，先以快步速彈甩對手嬴，再出早段比寶德狂燒段段極快下仍唔斷得第2，表現出色，賽前曾輕微缺課而且體重急跌近30磅，擔心上仗用力多下體力有否下降，作配較安心。「喜相逢」季初能力拼「金得意」，而之後再於直路早段受困下追過當時頗銳嘅「呼風喚雨」勝出，今次再落5班作賽級數高晒，6檔如非留得太後也可一爭。「碧玉釵」前仗未望空下輕鬆追入一席第5，剛戰轉谷草直路走最內欄緊迫下衝刺差D取得處女勝利，初上名後回田草有3檔之助形勢亦好，3甲機會高。
「香港發」上仗賺場地追只不過不失，落5班會有利但今仗對手並非預期般弱。「奪錶」剛戰直路早段冇位，之後柏寶輕鬆推騎反應良佳，開始重拾勇態但12檔要蝕慢步速非易跑。「豐盛之星」前仗就係頂住「碧玉釵」而衝得唔錯，回師同程亦有邊線機會。「魅力影子」上仗不利步速下轉彎走最外疊衝勢不俗，同樣今仗11檔蝕步速甚難跑。
  

第四場 公開賽 2400米 [皇太后盃]
6.智多飛 3.同個世界 2.多名利 7.包裝之寶
「智多飛」母線方面氣量充足而本身早於3歲可嬴1800米賽事，上仗初跑2200米末段輕鬆嬴馬而餘勢不俗，跑2400應不成問題，今仗前置只得一匹已回落之「威利旺旺」，更可賺埋步速有力捧杯。「同個世界」前仗打比慢步速下表現出色，末段以勁勢衝而只負於大賺慢步速嘅「陽明飛飛」，剛戰轉谷草增程跑彎多路窄下直路早段已力弱，回田草比多次機會，始終今仗慢步速下氣量須求冇咁大。「多名利」外地大勝2000米，而且上仗跑谷草2200負頂磅下直路騎者打虛鞭表現尚可，回田草應更合發揮，大摩為爭杯必拼。「包裝之寶」上仗走內疊稍不利場地只負於「包裝博士」等強敵得一席第3，今次增程作賽於外地同程已可取得季席，4歲精英再對決亦不無機會反先。
「威利旺旺」此程證明最多但近況甚差。「千杯不醉」應有2400氣量，剛戰最蝕可追得一席第3表現不差，但預期今仗慢步速又再蝕，更加上近兩季上名賽績全於谷草取得。「驌龍」上仗直路末段反撲上前，表現頗悅目，但匆出大幅增程血統兩線都冇大長途證明考驗極大，馬性忠心如有好賠率才值搏。
  

第五場 4班 1400米
6.黃金褭蹄 2.世界波 11.時尚風華 10.美的人生
「黃金褭蹄」上季慳位下可於3班嬴「齊歡唱」及「新力飛」，今季前次落4班跑同程走不利場地追得不俗，上仗又再走不利場地，近仗排檔未特別理想下才走蝕位走近，今仗有3檔之助應可快過2檔馬切入，1檔馬快閘可守於其之後，相反亦然，黃金機會必好好把握。「世界波」休出特佳，就算未能上名都交出不俗走勢，休近4個月復出，賽前操練冇間斷，減夠分落4班，步速唔快下14檔可切入走2疊賺慢步速出冷。「時尚風華」有內檔之利唔須留得太後，上仗末段見韋達又再放緩推騎馬匹也自動湧上，雖冇外疊兩隻蝕，但外疊同速追嘅兩匹馬再出已嬴，告達理安排慢踱休息夠再作操練，試埋草閘起用馬房愛將，有力突圍。「美的人生」前仗起用李寶利回復3班走近嘅勁勢而蝕位嬴馬，剛戰用蔡明紹卻留得太後，今仗復用大師傅，應有心再拼。
「勁綵」甚忠心，只得一仗因騎者轉彎飛出大外疊而負，上仗賺步速形勢下險勝，幸蹄下敗將再出賽績好，今仗13檔負頂磅跑難度再大幅增加，一位已足。「千軍萬馬」草地性能一般。「錦衣衛」上仗慢步速都斷，轉韋達增程又可由蟲變龍？「乘奔御風」嬴得出色後近仗賽前勤操表現也一般。「駿盈」4班跑1400對手太強。
   

賽道分析：對上一次田草A+3欄賽事於3月25日進行，當日場地讀數2.69，早段轉彎路程沿途貼欄馬優勢甚大，直至後段壓地後(第七場及之後)反令外疊馬有優勢，今戰賽前養草與上次情況相若，唯一係有添落雨變數，故要留意賽日場地狀況再作調整。

全日馬膽：第十場 6.夢幻十一
  
冷門突擊：第三場 2.大衛金剛
  

  
賽日重心：
第六場 8.軍士 9.豹顯神駒 1.好球 5.靚好聲
第八場 5.綠色好 6.善寶 8.新力飛
第十一場 3.多采多姿 4.天外之天 1.奇葩 5.利李之星
第六場 4班 1800米
8.軍士 9.豹顯神駒 1.好球 5.靚好聲
「軍士」1､2月連仗留後不利情況下追得甚勁，剛戰除眼罩增程轉用前置跑法差D嬴埋，跟快步速下輸比相對較賺步速嘅「豹顯神駒」，今場步速會慢應會更賺，而且對手加磅後有力反先。「豹顯神駒」多場田草跟跑後到剛戰於有利形勢嬴，今次排6檔跟「軍士」切入又會預期好位，亦未必須要留得太後，Q腳必然之選。「好球」早前不利步速下走外疊追嬴賺晒嘅「高友勁」，而後駒其後可嬴3班賽，此組必夠用，唯一今仗排12檔又要蝕，步速亦慢，如外疊有利才可言勝。「靚好聲」前季出賽已對之期望極高，但健康嚴重影響下上季只出一場，今季復出前仗走不利場地追得甚好，剛戰氣管有血賽績不用著重，今次賽前操足起用柏寶，與「好球」相若如形勢有利就有機會一爭。
「中華寶寶」早前嬴弱組再嬴泥地，加分後此組對手強得多要入位就要大幅進步才可。「進攻足球」落4班比跑3班賽有信心，快馬唔多如切入亦有權爭位。「川河名駒」之前於谷草B欄走內疊場地追得不錯，但之後進度一般跑得近才多加留意。「龍勝」剛戰休後復出追得勁，上季同一模式第一場會較好，如今仗表現冇反覆可再爭位。「印度光輝」前仗雖遇快步速，但直路潰散，今仗強配高雅志也一位已足。
  

第七場 3班 1600米
3.好勝煌 1.閃爍武士 2.紅山茶 10.無雙小子
「好勝煌」季內兩仗留後不利步速形勢下於外疊追得勁，剛戰跟前內疊好位似賺咗形勢，事實上走不利場地下表現不比頭馬遜色，而其後「超群名駒」可於谷草走不利場地嬴，水準夠高，今仗步速慢又可前置賺形勢，坐位望嬴。「閃爍武士」外地嬴1600，此程會合，上仗幾匹同走3疊衝下此駒勢頭最強，現時只得10匹馬出賽檔位影響較細，承勇再搏一仗。「紅山茶」上季已對之期望甚高，復出果然場場勁，之後細馬搏得多健康影響要休息，上仗休後復出同走3疊下表現只不過不失，未知會否受健康影響而能進度減退，作配較合。「無雙小子」今季休後復出表現神勇，連續兩仗不利形勢下追嬴，今次重回3班作賽，賽前積極試埋大閘才出，負磅減輕下仍有望爭入一位。
  

第八場 3班 1200米
5.綠色好 6.善寶 8.新力飛 10.戰士
「綠色好」前仗不利步速形勢下走外疊追嬴「小宇宙」，現時後駒已跑一班賽了，級數應最高，剛戰發力點嚴重受阻始終比較質新影響情緒才落敗，今次11檔應可順走2疊，步速唔快轉彎慢可能會比「善寶」有利，搏W搏呢隻。「善寶」上仗重用韋達再度變新，轉彎加快走不利外疊輕鬆取勝，今次1檔慢步速下如能跟BOX SIT位就更安心。「新力飛」上季可衝22秒以內末段，表現出色，今季復出卻進度徘徊，直到剛戰走不利場地下追得不俗，該場同走不利場地嘅「珠光寶氣」再出差D補中，今戰起用柏寶，未交代戰意極高，有力突擊。「戰士」上仗走內疊稍賺步速及場地與「銀子彈」一齊衝，今場對手仍強最多爭位。
  

第九場 公開賽 1600米 [冠軍一哩賽]
7.精彩日子 1.都市風光 5.天久 2.雄心威龍
「精彩日子」出道以來未失Q，前仗走不利大外疊只負於香港頂級中短途馬「天久」，上仗初跑1600賽前蹄甲有事韋達有少少托大才負於「讚惑」，今仗強配高雅志，對手多遠征歸來此駒操練充足得多，有力挑戰國際。「都市風光」外隊最強，除上仗可大勝杜拜免稅店盃之外，今季跑香港一哩錦標於不利步速沿途走外疊差D衝嬴，走勢極強勁，今戰7檔預期會好跑，慣常遠征之馬只要狀態正常已可爭。「天久」馬性極為忠心，遠征杜拜當日利前領下於外疊追得甚好，回港後狀態都叫起得唔算差，14檔慢步速可切入早早守2､3疊鬥爆一段。「雄心威龍」季初初出跑短負頂磅輕鬆嬴1400，之後跑董事杯再見嬴得易，港隊中能力最強一匹，唯一係好少見苗禮德要咁樣操隻馬去谷，狀態成疑問下作保險腳會較安心。
「非洲傳說」跑膠地賽績強，但過往跑草地只不過不失，幸性格同樣忠心，T/F4才預。「步步穩」退役前最後一仗必盡拼，但除國際賽爆冷一役外明顯狀態不及銳時，要大賺形勢0才可一爭。「軍事攻略」同樣遠征歸來，但初配麥道朗而且上季嬴「天久」主因對手拼搏更多，應難以反先。「卡達聖」操足而來，起用安國倫亦有冷味，只要出賽氣管冇血就可一搏。
  

第十場 1班 1200米
6.夢幻十一 2.新希望 4.先鞭直前 7.紅旗勇將
「夢幻十一」前仗守好位下輕鬆嬴「先鞭直前」，現時後駒加分後只讓一磅，上仗排檔不利下沿途走大外疊游馬河，不利場地及步速下末段衝22秒正，表現甚勁，休息後復出賽前做課大閘與「精彩日子」拍住過終點，1檔形勢相當好跑，WIN相高唱入雲。「新希望」應係前駒最大對手，剛戰跑嫌短嘅1000可衝22秒內末段而與「甜將」一齊過終點，如放「甜將」落此組大家都會重注後駒，所以級數能力足下作次選。「先鞭直前」上仗谷草輸比「鐵膽龍」略失望，可能回田草會更好，始終里程尚新跑出水準可爭位。「紅旗勇將」復出後密跑不同路程及場地，以季初追「新希望」及「精彩日子」此組會夠用，起用柏寶如跑返季初水準就可一爭。
「美猴王」上仗走不利場地追落不過不失，季初田草馬王組別跑得好今仗機會就睇騎者發揮如何。「幸運全勝」直路一連兩仗追得勁跑返轉彎路程對手增強應止於3-6名。「小宇宙」拼得多後今場亦會有馬鬥燒，剛戰轉谷草反映練者都覺得評分差唔多，對手再增強唔易突圍。
  

第十一場 2班 1400米
3.多采多姿 4.天外之天 1.奇葩 5.利李之星
「多采多姿」季初可與「甜橙」及「齊歡笑」鬥，之後轉谷草韋達亂跑才失望，小休個半月復出有5檔之利，預期「天外之天」會俾馬鬥燒，只要體力回復重現威力就可揚威此組。「天外之天」剛戰賺步速場地下與「華美之星」鬥表現比上手馬房時進步，今仗13檔須切入鬥放預期成目標步速壓力比上仗高得多，唯一好處係同場對手不多仍有機會一爭。「奇葩」剛戰休後復出表現失望，走有利場地唔衝，今仗屬休後第二仗要跑回水準才可爭。「利李之星」高廐初出馬，外地可於法國二千堅尼入Q水準高，兩試大閘才出賽，父系DUBAWI早熟種今場有力做一路奇兵。
「金獅名將」對上一場賺形勢上名，前仗賺完衝落卻唔多，機會一般。「全能足球」初出出自大長途種，有表現才留意。「恩格斯」前仗衝落不及蝕位嘅「幸運雄威」，出賽一直韁口難控制，今場對手弱有位望睇下換柏寶可以跑高幾多。「城中話題」剛戰谷草初追近，但轉田草對手強要等返谷草才諗。「快利多」休後復出體力有望回復，但過往要熱身後表現才有進，加上評分差唔多等落3班才搏。