29/4 賽後報告 - Jimmy
經歷上星期二六 vs 二六，球員捱傷哂。今週挑戰從未嬴過，體力衝撞�H凍肉，二六傷兵，為左落場硬拼，全部趕及上陣👏
賽前痛風講明好想嬴，二六一眾，開波已好快進入狀態，憑著一次快速反擊，跑狗分比今日前鋒金堅，右腳推射入網 1：0。第一節完。領先下二六，守得更狠，而痛風亦發現對方主攻中路，一個喺老清發哥附近，另外有兩個後 d 比四仔 阿志痴住，組織起點由老清中路直入帶上，簡單講，中路四五條友參與進攻，小用邊。有見及始，痛風長期跑入中路，做第一道屏障，分去左邊，又跑撚返過去，就係咁重複做呢個動作，跑撚哂 d 氣😅，唔緊要，籍得。第二節中段，搏得角球，痛風 ben 俊，前中後三點，阿泰開比遠柱阿俊，迎頂遠柱 2:0。落後兩粒下，凍肉大軍壓上，sunny 後場反擊，一條龍東岸帶去西岸，痛風艱苦陪跑，心唸咪撚交比我，我純粹拉空，sunny 心領神會，雖然射得唔靚，但入 3:0。第二節後段，終於失手，對方龍門竟然帶波去到中場，二六中場，眼見咁撚荀，一窩蜂撲埋去，d 位亂哂，一湯穿下，對方人多打人小，輕鬆破蛋。金堅眼見對方勢盛，立即嗌個 time out,成件事，好撚 NBA 😀
第三節，凍肉變招，用大隻後生，頻爆後防。肥包皮第一個陣亡，換上叉雞，都係比佢硬爆落底，再打橫底線推進，好彩傳中唔入。痛風再換 ben 哥打左閘，果然收到效果，筋肉男食過返尋味，同一招，先同 ben 膊頭肌肉硬碰，連 boom 兩野，一路 boom 一路落底，最後由 ben 清脆產落底線，防守成功 👍
對方亦有一件長腳高大，孭住我地防守球員，去到右邊,小禁區，怒射之際，四哥飛產，封出底線，好撚精彩。
半場時，痛風講明六守二攻，憑著大家專注執行，成功守到完場。
嬴呢 d 波，就係最爽。
好波呀！兄弟👍👍👍👏👏👏👊👊👊
