12/06/2021 賽後報告 - Jimmy
亨哥遲黎，點知出場兩分鐘，大爆落底，被對方踢跌傷出，二打六折翼。
開賽初段，中中大蛇頻頻犯錯，被對手控制中埸，尤幸後防保持穩定發揮，力保不失。
差佬抄牌關係，louis 揸車，榮仔客串龍門，一個有心解圍長傳，做就 rick 單刀射入。開紀錄後，形勢傾斜，二打六攻勢一浪接一浪，費占角球直中遠柱，先響警號。跟著 rick 梅開二度，對方後防慌失失下，誤交四仔，再下一城，三比零。眼見希近期信心低迷，rick 助佢一攻，增強信心，四粒。後段希轉打左閘，比跛占打前一格。小巨人全軍壓上，希左閘拿球，跛占眼見大蛇空虛，大叫希夠唔夠力大蛇，阿希不負所望，長傳大蛇，單刀射入。
是夜二打六中中，只有四仔一員高轉數 hold 波，跛占無奈強迫打足九十，唯一回氣位，打住老清先，點都要在場 😅
