20/02/2021 賽後報告 - Jimmy
復賽第一場，遇到比較弱的對手，大家壓力不大，係一場幾好的操練賽事。喜見 ben 跑動能力回復，之前踢，緩跑，今晚都見到你，能夠快跑了 👍
開賽初段，由於太耐無踢，全隊球感欠奉，頗多簡單失誤。第一節中段，collie 乘着對方龍門解圍失誤，輕鬆禁區頂射入。一比零，第 x 分鐘，大蛇直線傳 rick, 單刀下二比零。第一節完。第二節開始，賓仔中後場，大腳斜斬，落點恰到好處，marcus 唔知用頭定腳情況下，射入第三球。全晚最精彩一幕出現，老牌助攻王費占，接應禁區頂橫傳，拖一步壓入禁區，短距離 chok 傳，粒過對方老清而不失勁道，力道拿擸，達到世界級，最後由 rick 勁頂入網。隔離場踢緊，都要暫停，駐足觀看大影幕重播。最後由澎湃胸肌球王 dee, 底線傳中，collie 射空門，入夠五粒完埸。
中埸休息，終於實行了二打六十二碼比拼，結果非常嚇人。頭兩輪 副領 費占 rick marcus 大蛇 賓仔 ben 俊，八條友射，夾埋十六球，全部入網。
到底係我地太勁，定龍門太渣
