米卡李察士質疑戰術

今場Ｄ組大戰曼城由拿斯尼先開紀錄，但臨完上半場被阿積士中場施安迪莊射入扳平，換邊後摩辛達及基斯甸艾歷臣各建一功，將曼城打入深淵。賽後文仙尼承認輸得口服心服：「阿積士表現的確比我哋好，輸波係我嘅問題，係我準備不足，必須負最大責任。球隊要出線已經好困難，相信要有奇迹先至得。」曼城三戰僅1分，淪為D組包尾，比上屆同期成績更差，不但面臨連續兩屆歐聯分組賽出局尷尬局面，甚至連攞第三位轉戰歐霸盃都唔樂觀。
雖然文仙尼認衰，但守將米卡李察士仍然唔放過佢，暗示文帥排錯陣：「今場排出三後衞，並唔係我哋慣用嘅陣式，我哋比較喜歡442打法，變陣係需要時間適應，但最後決定權都喺領隊手上，我哋只可以照做。」米卡李察士公開質疑文仙尼，無疑令原本已欠缺團隊精神嘅曼城雪上加霜。