奧斯爾踢完半場換波砵

兩大贊助商爭人
波砵大戰玩殘奧斯爾！皇家馬德里嘅德國中場奧斯爾同「一剔」嘅波砵贊助合約啱啱完結，佢本身就想過檔家鄉名牌「三間」，不過奧斯爾原本張約列明「一剔」有優先續約權，因而令兩大品牌爆發搶人風波。慘做磨心嘅奧斯爾為免得失任何一方，日前對多蒙特嘅歐聯賽事，竟然諗出上半場着「一剔」，下半場換「三間」嘅奇招，左右逢源，堪稱係超級世界仔！
美斯徵集球迷設計波砵
查實「三間」手上已經有美斯呢個生招牌，據《每日體育報》消息，美斯12月份將會推出新戰靴，佢日前就公開向球迷徵集波砵圖案嘅設計，美斯表示：「球員喺場上用雙腳表現自我，所以一對特別嘅波砵好重要，我期待睇到粉絲嘅設計，如果設計被採納，我會送佢一對波砵。」