28/11/2020 TKS 2 vs 快樂足球隊 800 win 4:0 賽後報告
對賽往績
28/11/2020 TKS 2 win 4:0 - 14x3 / 15 ( 4 / Bun / 7 )
Motm : 14 / 4
Attn :4 / 5 / 7 / 9 / 10 / 14 / 15 / 32 / Bun / Siu Ming / Wilfred
28/11/2020 ( Wing )
賽後報告二打六今週陣容於前中後三線皆有悉數主力缺陣下，召喚出全能球員大蛇，希望將總戰力提升。
二打六雄心壯志諗住摷九對手，所以即使人少踢人多既情況下，仍然要求踢兩節爭取最多時間，但快樂隊年紀偏大，要求踢三節務求回復體力，以蟻多摟死象形式爭取優勢。
賽前分析完畢，返返黎球場。
正式開波，第一節嘅時候，因為球王Dee嘅遲到所以要將大蛇擺到最前，以傳奇助攻王Jimmy同邊鋒猛虎Marcus於左石兩邊進襲配以中單爆破手Collie同節奏指揮官四仔作為攻擊組合，雖然擺出強橫嘅攻擊火力，加上未適應對手核心 - 肌肉中場36既踢法，第一節係互有攻守之下暫時打成零比零。
話咁快喺二打六係場邊九吹一輪而對手認真討論嘅戰術下，休息結束，第二節既球賽又開始啦，第二第球王啲二熟悉嘅正前身份出場，大蛇縮後打返最撚手既進攻中場位置，Marcus係右路不繼以噴射式嘅速度攻到對手不要不要(屌, 乜又係你啊, 吳生🥵)，球王Dee一次於小禁區右路持球，作勢傳中呃9左龍門失左近柱大位，係黃金機會下🤩故事發展到呢度熟悉既丫Dee完全無令觀眾失望，輕力一射個波慢遊中柱彈出，將緊張嘅比賽延續到去第三節。
俗語有云: 波並唔係一個人踢的，雖然領隊冇特別指令，但係指揮官一睇就知道重心所在，肌肉36一拎到波，就會肩負起收佢皮嘅重任，限制對手既進攻板斧，話明指揮官除咗防守出色之外，亦展示出佢進攻上嘅才能，係一次反擊之中係中場一野傳個波落去係右路禁區嘅Marcus，Marcus有如佢嘅網名-猛虎一樣，望準龍門2秒後，使出咗射波技能’一支穿雲箭,中柱入波來相見’，終於為球隊打開缺口，球王Dee被猛虎燃點起佢心中射門嘅欲火，係一次左路進攻喺大禁區頂黎左個小跳步一個過兩個嘅情況之下順勢射埋將比數改寫到二比零，球王Dee 深知平時辜負得collie太多，所以決定唔益隊友，係一次對方開短嘅情況之下使出餓狗搶屎迫甩咗對方嗰波，喺對方不忿回身防守嘅攻防戰中球王Dee以較佳嘅運氣值，符符碌碌之下攞返個波改寫成三比零，時間嚟到9:29最後1分鐘，發仔見對手已苦無機會，把握時間衝上前諗住黎個最後一擊，持球推進去到右路禁區頂，對方派出兩名守衛阻截去路，諗住輸少當贏，但係目光如炬嘅發仔，都仍然搵到好似微輸血管般幼細既路線交比球王，球王因為一次陰影控個波控到去一個角球旗，所以今次決定唔撚修正，結果異常的好，發仔成功喺球王Dee手上攞到一個助攻。
4:0 全場完
[ 本帖最後由 no.14 於 21-10-2021 03:44 PM 編輯 ]
