(河馬仔專欄)4月22日各場賽馬心水
是日河馬仔八場心水選擇:
第一場:
8.年年開心-上仗其實最後五十米受阻下得第三,實際上如無此事件基本上會壓過第一好運.今次雖然對手屬五班頂級,不過此馬抽到一檔而出閘尚算可以,走位其實係可以非常有彈性.晨操韋健仕跳兩段步伐輕爽有勁,今場熱捧仍可期
是場心水:
8.年年開心-1.幸福得寶-4.好機緣-11.活威小子
第二場:
9.永勝馬-上戰起步都企得唔好一出閘都漏哂,結果好快已脫節,基本上可以話冇乜跑過.換人換走脷帶可望有助,加上同場叻馬唔多,此馬至少前仗沿途大外疊都算叫做識跑谷草,今次冷箭可施
是場心水:
9.永勝馬-1.威振神駒-5.放縱-10.泰寶馬
第三場:
3.星光活力-今場基本上十二隻參賽馬質素都係有限,大NUMBER之對手真係水到..........細NUMBER之對手一係一跑外疊就現形,一係就或傷或沉.此馬晨操雖然火氣普通,只少條頸都冇好似以前咁衰係咁縮.希望冼生幫到隻馬啦.
是場心水:
3.星光活力-1.勁有盈-2.魅力寶-10.時時有機
第四場:
9.神鑽福將-上仗漏閘都預左佢,但沿途咁樣大量走外疊,只輸三個幾馬位,如唔漏閘或走位冇咁"厲害"可能上場贏得.今次試河畔閘見到出閘順番好多,但求今場前面希望有一兩隻馬肯放係前面,咁樣應該追得切.
是場心水:
9.神鑽福將-1.駿盈-5.哈哈大少-10.甜在心頭
第五場:
10.更奇妙-雖然上場一來大利快放,二來贏跑第二之五代同堂都唔知係唔係以前D八寶粥王咁.不過至少隻馬晨操仲係精精神神而且火氣仍好,今場快馬又唔係太多如冷都和味
是場心水:
10.更奇妙-4.霹靂子彈-5.天鷹-7.恒運財星
第六場:
4.輕越直前-雖然上戰大敗而回,其實可能係沿途跟得快左而對此後上馬有所UPSET.如果此馬係大後上馬的話,上場就應該係違反了馬性.今次轉谷草未必係唔好,至少此馬之外祖父係同萬事喜,虎虎生威同宗.晨操拍賀喜可以你試廐侶如無物.今戰好可能會試出彩虹,咪走雞.
是場心水:
4.輕越直前-5.駿飛翔-8.八運寶-9.開心贏
第七場:
5.孫子奇兵-此馬贏馬冇難度,上次長驅都跟到出事.今次晨操冇異樣,看來今次對手同樣麻麻下應可再橫掃
是場心水:
5.孫子奇兵-2.開心風采-6.炊金饌玉-9.威威財星
第八場:
6.雪山神駒-好可能上場係連拚後慢慢回落了狀態而導致未能追及,不過在個幾月後晨課再見朝氣,加上安廐神駒系乃韋達之好拍檔.未見盡之馬如見好形勢應贏面再現
是場心水:
6.雪山神駒-2.驃驥王-3.特寶樂-10.天下寶
